Çfarë ka ndodhur: Dy azilkërkues, të vendosur në Qendrën Pranuese për Kërkuesit e Azilit në Vizbeg
janë rrahur dhe grabitur në afërsi të Bit-Pazarit në Shkup nga katër persona të panjohur. Në trupat e
emigrantëve ka pasur lëndime të dukshme, Pas grabitjes, sulmuesit kanë ikur në drejtim të panjohur.
Rasti është paraqitur në polici, por nuk është shpallur në buletinin ditor të MPB-së.
Data, koha dhe vendi i incidentit: 17 nëntor, rreth orës 13:20, në afërsi të Bit-Pazarit, Shkup.
Burim i informacioneve: Përfaqësuese e organizatës joqeveritare Legis.
Viktimat e përfshira: Dy persona, azilkërkues.
Lloji i krimit: Grabitje (Neni 237, KP); Lëndim trupor (Neni 130, KP).
Kryerës: 4 kryerës të panjohur.
Përshkrim i shkurtër i incidentit me indikatorë të anshëm: Në këtë incident, motivi i anshëm është
prejardhja etnike, shtetësia apo gjuha, kurse indikatorët e anshëm janë:
1. Dallimi në prejardhjen etnike – prejardhja etnike e kryerësve dhe viktimave janë të ndryshme, viktimat
janë përfaqësues të grupit (emigrantë, kërkues azili) i cili është mjaft më i vogël në numër se grupi i
qytetarëve në rajonin ku ka ndodhur incidenti.
2. Model i incidenteve të mëparshme – ky incident është ndjekur nga trendi i zmadhuar i vjedhjeve dhe
sulmeve mbi emigrantët.
Statusi i rastit: Nuk është regjistruar.
Përgjigja e pushtetit lokal: Në përgjigjen e Kërkesës për informacione me karakter publik të cilën
Komiteti ia ka dërguar MPB-së në lidhje me këtë incident, thuhet se ngjarja e ndodhur nuk është
paraqitur në stacion policor me kompetencë të përgjithshme në rajonin e Qytetit të Shkupit.
