Што се случило: Двајца баратели на азил, сместени во Прифатниот центар за баратели на азил
Визбегово биле претепани и ограбени во близина на скопски Бит Пазар од страна на четири
непознати лица. По телата на бегалците имало видливи повреди. По разбојништвото напаѓачите
се упатиле во непознат правец. Случајот е пријавен во полиција, но не е објавен во дневниот
билтен на МВР.
Датум, време и место на инцидентот: 17 ноември, околу 13:20 часот, во близина на Бит Пазар,
Скопје
Извор на информации: Претставничка на невладина организација Легис.
Инволвирани жртви: Две лица – баратели на азил.
Вид на злосторства: Разбојништво (Член 237, КЗ), Телесна повреда (Член 130, КЗ)
Сторители: 4 непознати сторители.
Кус опис на инцидентот со пристрасни индикатори: Во овој инцидент, пристрасниот мотив е
етничко потекло, државјанство или јазик, а пристрасните индикатори се:
1. Разлика во етничкото потекло – етничкото потекло на сторителите и жртвите се разликуваат;
жртвите се припадници на група (бегалци, баратели на азил) која е убедливо помалубројна од
припадници од другата група граѓани во областа каде се случил инцидентот;
2. Модел на претходни инциденти – овој инцидент е последен од растечкиот тренд на кражби и
напади врз мигранти.
Статус на случајот: Не е регистриран.
Одговор на локалните власти: Во одговорот на барањето за информации од јавен карактер кое
Комитетот го испрати до МВР во врска со овој инцидент е наведено дека наведениот настан не е
пријавен во полициска станица од општа надлежност на подрачјето на град Скопје.
Влијание врз жртвите и заедницата: Овој инцидент ја доведува во прашање безбедноста на лица
кои влегуваат и поминуваат низ земјата.
