Çfarë ka ndodhur: Pas zënkës verbale, dy fëmijë 14 vjeçar i kanë shkaktuar goditje të rëndë trupore
një personi 18 vjeçar në afërsi të lokalit “Stop” në rrugën “Bitpazar”. Fëmijët e kanë sulmuar personin
me paramendim, e kanë goditur me grushte në kokë dhe në kraharor, nga këto goditje personi i
dëmtuar ka rënë përtokë, duke marrë lëndim të rëndë trupor të llojit të çarjeve në kokë me dëmtim
të trurit, gjakderdhje dhe mbushje të mushkërive me lëng. Nga plagët e marra, jetën e ka pasur në
rrezik. Nga prokurori publik është kërkuar që të përcaktohet masa e paraburgim për të dy fëmijët.
Data, koha dhe vendi i incidentit: 6 nëntor, ora 1:00, rr. “Bitpazarska”, Shkup.
Burim i informacioneve: Gazeta Ditore Fokus.
Viktimat e përfshira: Një person.
Lloji i krimit: Dhunë (Neni 386, KP); Lëndim i rëndë trupor (Neni 131, KP).
Kryerës: Dy persona të mitur.
Përshkrim i shkurtër i incidentit me indikatorë të anshëm: Në këtë incident, motivi i anshëm është
prejardhja etnike, shtetësia apo gjuha, kurse indikatorët e anshëm janë:
1. Dallimi i supozuar i prejardhjes etnike – incidenti ka ndodhur në një rajon të banuar me njerëz me
prejardhje të përzierë etnike, ka mundësi që përkatësia etnike e kryerësit të jetë e ndryshme nga ajo
e viktimës.
2. Natyra e dhunës – incidenti ka ndodhur në publik.
Statusi i rastit: Është ngritur fl etëparaqitje penale kundër dy personave.
Përgjigja e pushtetit lokal: Në përgjigjen e Kërkesës për informacione me karakter publik të cilën
Komiteti ia ka dërguar MPB-së në lidhje me këtë incident, thuhet se SPB – Shkup ka dorëzuar fl etëpa-
raqitje penale kundër dy personave nga Shkupi në PTHP – Shkup.
Ndikimi mbi viktimat dhe mbi mjedisin shoqëror: Ky incident e vë në pikëpyetje bashkëjetesën etnike
midis dy bashkësive më të mëdha në shtet.
