Фудбалери на ФК Братство од Коњари ги претепале своите колеги од ФК Волково

Што се случило: На 14.04.2019 година во 18.10 часот во СВР-Скопје било пријавено дека на фудбалскиот стадион
на ФК Волково во с.Волково, по завршување на фудбалскиот натпревар помеѓу ФК Волково 1964 и ФК Братство
од Коњари, лицата Е.Ќ. (51), И.Ќ. (48), Ќ.Ф. (33), А.Ќ. (20) и Б.А. (30), сите од с.Коњари, скопско, фудбалери на
ФК Братство, го нарушиле јавниот ред и мир. Според пријавеното, А.Ќ. и Б.А. физички го нападнале Д.В.(26) од
с.Волково, скопско, фудбалер на ФК Волково 1964, а останатите лица агресивно се однесувале кон полициските
службеници. Лицата биле приведени во Полициската станица Ѓорче Петров и по документирање на случајот
против нив ќе бидат поднесени соодветни поднесоци.
Датум, време и место на инцидентот: На 14.04.2019 година околу 18.00 часот на фудбалскиот стадион во
с.Волково.
Извор на информации: дневен билтен на МВР, sitel.com.mk; skopjeinfo.mk
Инволвирани жртви: една (1) жртва
Вид на злосторства: Насилство (Член 386, КЗ на РСМ)
Сторители: пет (5) познати сторители
Кус опис на инцидентот со пристрасни индикатори: Во овој инцидент кој се случил пристрасниот мотив е
етничко потекло, а пристрасните индикатори се:
1. Етничкото потекло – жртвата и напаѓачите биле од различна етничка заедница.
2. Локација – настанот се случил во средно училиште во кое учат ученици од различни етнички заедници
и каде и претходно имало регистрирано вакви настани.
Статус на случајот: непознат
Одговор на локалните власти: Поднесен им е записник за констатиран прекршок по чл.3 од Закон за
спречување на насилство и недолично однесување на спортските натпревари.
Влијание врз жртвите и заедницата: Инциденти од ваков вид ја доведуваат во прашање општата безбедносна
состојба во земјата и соживотот помеѓу различните етнички групи во општеството.