Што се случило: Претседателот на Светскиот македонски конгрес (СМК) Тодор Петров, бил
физички нападнат од страна на неколку непознати лица по осветувањето на камен-темелникот
на крстот во скопската населба Бутел, каде присуствувал на поставувањето на темелите на 51-метарскиот крст чија изградба е иницијатива на СМК. Според информации пренесени од
медиумите, на Петров му била укажана лекарска помош во Ургентниот центар во Скопје.
Датум, време и место на инцидентот: 27 февруари, 12:17 часот, угостителски објект „Казабланка”
Бутел, Скопје.
Извор на информации: Електронски медиум Емагазин, дневен весник Дневник, електронски
медиум Локално, национален телевизиски медиум Телма.
Инволвирани жртви: Едно лице.
Вид на злосторства: Насилство (Член 386, КЗ), Телесна повреда (Член 130, КЗ), Учество во тепачка
(Член 132, КЗ)
Сторители: Група од неколку сторители.
Кус опис на инцидентот со пристрасни индикатори: Во овој инцидент, пристрасниот мотив е
религиозната припадности или верско убедување, а пристрасните индикатори се:
1. Перцепција на жртвата – според изјава дадена за медиумите, жртвата гледа на инцидентот
како пристрасно мотивиран;
2. Време – инцидентот се случил непосредно по осветувањето на камен темелникот на крстот во
општина Бутел;
3. Местоположба – Инцидентот се случил во област населена со население со мешани етнички
состав и религиозна припадност;
4. Природа на насилството – инцидентот се случил во јавност;
5. Недостаток на други мотиви.
Статус на случајот: Поднесена кривична пријава против три лица осомничени за нападот.
Одговор на локалните власти: Во одговорот на барањето за информации од јавен карактер кое
Комитетот го испрати до МВР во врска со овој инцидент е наведено дека од страна на СВР Скопје
била доставена кривична пријава до Основно Јавно Обвинителство Скопје.
Влијание врз жртвите и заедницата: Овој инцидент ја доведува во прашање безбедноста на
различни верски заедници во земјата.
