Што се случило: Тројца мигранти од Мароко биле ограбени од страна на петмина непознати
вооружени сторители во близина на селото Грчиште, Валандово. Најпрвин, едно лице се понудило
да ги одвезе до границата за компензација од 130 евра, по што се приближиле четворица други и
заплашувајќи ги со огнено оружје, им ги одзеле ранците и еден мобилен телефон.
Датум, време и место на инцидентот: 25 декември, 08:00 часот, во близина на селото Грчиште,
Валандово.
Извор на информации: Електронски медиум Макфакс.
Инволвирани жртви: Тројца Мароканци.
Вид на злосторства: „Разбојништво“ (член 237, КЗ на РМ).
Сторители: Петмина непознати сторители.
Кус опис на инцидентот со пристрасни индикатори: Во овој инцидент, пристрасниот мотив е
етничко потекло, државјанство или јазик, а пристрасните индикатори се:
1. Разлика во етничкото потекло – етничкото потекло на сторителите и жртвите се разликуваат;
жртвите се припадници на група (марокански мигрант) која е убедливо помалобројна од
припадници на друга група (македонска популација) во областа каде се случил инцидентот;
2. Модел на претходни инциденти – овој инцидент е последен од растечкиот тренд на кражби и
напади врз мигранти.
Статус на случајот: Случајот е пријавен кај локалните власти, статусот е непознат.
Одговор на локалните власти: До моментот на пишување на овој извештај, МВР не одговори на
барањето за информации од јавен карактер кое Комитетот го испрати во врска со овој инцидент.
Влијание врз жртвите и заедницата: Овој инцидент ја доведува во прашање безбедноста на
мигрантите кои влегуваат и поминуваат низ земјата.
