Нова провокација на етничка основа во скопско Тафталиџе. Смрт за каури повторно осамна но сега на електричен столб на улицата Копенхагенска.
По трет пат во ова населено место каде има жители од различни етнички заедници се повторува истата случка.
Неколку пати досега во овој дел на Скопје излегуваат овие натписи, или во форма на летоци по автомобилите или напишани на околните објекти.
Но за жителите на Тафталиџе 2 ова не претставува никаков проблем бидејќи како што велат меѓуетничкиот соживот е на многу високо ниво.
Жителите на Тафталиџе се убедени дека станува збор за провокација од хулигани или луѓе кои не живеат во населбата.
Минатата година за само еден месец имаше две слични ситуации кога жителите на Тафталиџе забележаа летоци на нивните ветробрански стакла со истиот натпис.
Полицијата и тогаш работеше на расчистување на случајот меѓутоа досега никој не ја презема одговорноста за овие постапки.
