Што се случило: Еден малолетник бил нападнат под поголема група, здобивајќи се со повреди на
главата. Инцидентот се случил во автобус од јавниот градски транспорт бр. 2, на бул. „Партизански
одреди“ за време на фудбалски натпревар меѓу двата тимови чиишто клубови на навивачи се
со различна етничка припадност и имаат претходна историја на насилно однесување во тек на
натпревари.
Датум, време и место на инцидентот: 22 октомври, 13:40 часот, автобус на јавен градски превоз,
линија бр. 2, на бул. „Партизански одреди“ во Скопје.
Извор на информацијата: Локалниот електронски медиум „новатв.мк“ (novatv.mk).
Вклучена(и) жртва(и): Едно малолетно момче со непознато етничко потекло.
Вид на кривично дело(а): Телесна повреда (Чл.130 КЗРМ), Насилство (Чл.386), Загрозување на
сигурноста (Чл.144).
Сторител(и): Непознат број на сторители со непознато етничко потекло, организирани како
голема група.
Краток опис на инцидентот со индикатори за пристрасност: Мотивот на пристрасност во овој
инцидент е етничкото потекло, државјанство или јазик, додека индикатори на пристрасност во
овој инцидент се:
1. Разлика помеѓу сторителот и жртвата според етничка основа – Возната линија на автобус бр. 2
го вклучува Сарај, големо село населено претежно од Албанци, па може да се изведе логички
заклучок дека патниците во овој автобус исто така би имале слично етничкото потекло, додека
инцидентот се случил во област претежно населена од Македонци.
2. Локација и време – Инцидентот се случил во автобус од јавен градски превоз, линија бр. 2 што
води до село со доминантно албанско население. Исто така се случил за време на фудбалски
меч помеѓу два тиме чиишто навивачи имаат различно етничко потекло и претходна историја на
насилно однесување во текот на натпреварите.
3. Природа на насилството – Инцидентот бил извршен во јавност.
4. Недостаток на други мотиви
Статус на случајот: Под истрага.
Одговор на надлежните власти: Министерството за внатрешни работи одговори на Барање за
информации од јавен карактер испратено од Комитетот, дека е поднесен Извештај за примање кривична пријава против непознат сторител за кривично дело Насилство.
Влијание врз жртвата(ите) и заедницата: Инциденти од ваков вид ја доведуваат во прашање
општата безбедносна состојба во земјата, и соживотот помеѓу различните етнички групи во
општеството.
