Çfarë ka ndodhur: Në Shkup, në rrugën Alija Avdoviq” në autobusin nr. 65 që qarkullon nga lagjja
Çento në drejtim të fshatit Stajkovci ka ndodhur një rrahje.
Në stacionin e autobusit te Shkolla Fillore “25 maji”, një grup prej rreth dhjetë të miturish, kanë
shtyrë në autobus një djalosh 17-vjeçar nga fshati Smillkovci, nxënës në vitin e katërt në ASUC dhe
e kanë sulmuar fizikisht duke e goditur me grushte dhe shqelma në pjesën e kokës dhe trupit. Në një
moment një prej sulmuesve e ka goditur me objekt të fortë në kokë, pastaj grupi është shpërndarë.
Me automjetin e ndihmës së shpejtë djaloshi është dërguar në Spitalin e përgjithshëm të qytetit
“Shën. Naum i Ohrit” ku i është dhënë ndihma e parë, dhe më pas është lëshuar në mjekim shtëpiak.
Data, koha dhe vendi i incidentit: 10 tetor, ora 19:00, autobus i NQP-së nr. 65.
Burimi i informacioneve: Media elektronike Republika.mk.
Viktimat e involvuara: Një person i mitur.
Lloji i krimeve: Dhunë (Neni 386, KP), Lëndim trupor (Neni 130, KP), Rrezikim me mjet të rrezikshëm
gjatë zënkës apo rrahjes (Neni 133, KP)
Kryerësit: Një grup prej dhjetë të miturish.
Përshkrim i shkurtër i incidentit me indikatorë të njëanshëm: Në këtë incident, motivi i njëanshëm
është prejardhja etnike, shtetësia ose gjuha, kurse indikatorët e njëanshëm janë:
1. Dallimi i supozuar në prejardhjen etnike – Incidenti ka ndodhur në një autobus i cili qarkullon nëpër
rajone të populluara me njerëz me përbërje etnike të ndryshme, është e mundshme prejardhja etike
e kryerësve të jetë e ndryshme nga ajo e viktimës.
2. Natyra e dhunës – incidenti ka ndodhur në publik;
Statusi i rastit: I panjohur.
Përgjigja nga pushtetet lokale: Në përgjigjen e marrë nga MPB-ja për Kërkesën për informacione me
karakter publik që KMH-ja ia dërgoi MPB-së në lidhje me këtë incident, thuhet se nga SPB Shkup te
PTHP Shkup është dërguar Informim për veprën penale „Dhunë“ sipas nenit 386 KP (KU. nr. 10002/17).
Ndikimi mbi viktimat dhe bashkësinë: Ky incident e vë në pikëpyetje bashkëjetesën etnike midis dy
bashkësive më të mëdha etnike në shtet.
