Çfarë ka ndodhur: Më 9 prill 2023, në SVR Tetovë u raportua se gjatë pjesës së dytë të ndeshjes së futbollit të kampionatit mes ekipeve të Vardarit nga Bërvenica dhe Besës nga Çelopek, të pakënaqur me vendimin e arbitrit, rreth dyzet tifozë dhe lojtarë rezervë të Besës kanë hyrë në fushë dhe kanë tentuar të përballen fizikisht me gjyqtarët dhe delegatin e ndeshjes. Me ndërhyrjen e policëve të SVR Tetovë ata nuk ja arritën qëllimit të tyre, por kanë vazhduar të sillen në mënyrë agresive, me çka ndeshja është ndërprerë.
Përshkrim i shkurtër i incidentit me tregues të njëanshëm: Në këtë incident, motivi i njëanshëm është origjina etnike, dhe treguesit e njëanshëm janë:
- Origjina etnike – autorët dhe viktimat janë nga komunitete të ndryshme etnike
- Vendndodhja – ngjarja ka ndodhur në një ndeshje futbolli
Ndikimi tek viktimat dhe komuniteti: Incidentet e këtij lloji vënë në pikëpyetje gjendjen e përgjithshme të sigurisë në vend dhe bashkëjetesën ndërmjet grupeve të ndryshme etnike në shoqëri.
