Çfarë ka ndodhur: Dy grupe nxënësish kanë marrë pjesë në grindje në oborrin e shkollës SHQSH “Zef
Lush Marku”. Në një grup kanë qenë tre të mitur nga Shkupi dhe një i mitur nga Gostivari, kurse në grupin tjetër kanë qenë katër të mitur nga fshati Batincë i Shkupit. Personat kanë shkëmbyer disa
goditje me grushte dhe shqelma, kurse në një moment një preson nga grupi i dytë ka nxjerrë thikë
dhe ka goditur katër herë në pjesën e kokës një nxënës të grupit të parë duke i shkaktuar lëndim
trupor, dukshëm të rëndë.
Data, koha dhe vendi i incidentit: 9 shkurt, ora 09:45, oborri i shkollës SHQSH “Zef Lush Marku”.
Burim i informacioneve: Medie elektronike Republika.
Viktimat e përfshira: Një person.
Lloji i krimit: Lëndim trupor (Neni 130, KP), Dhunë (Neni 386, KP), Pjesëmarrje në grindje (neni 132, KP).
Kryerës: Një grup nxënësish nga SHQSH “Zef Lush Marku”.
Përshkrim i shkurtër i incidentit me indikatorë të anshëm: Në këtë incident, motivi i anshëm është
prejardhja etnike, shtetësia apo gjuha, kurse indikatorët e anshëm janë:
1. Dallimi i supozuar i prejardhjes etnike – për shkak të përbërjes së përzierë etnike të nxënësve të cilët
mësojnë në shkollën e sipërpërmendur, ka mundësi që përfaqësuesit e të dy grupeve të kenë prejard-
hje të ndryshme etnike;
2. Natyra e dhunës – incidenti ka ndodhur në publik.
Statusi i rastit: Është dorëzuar kërkesë për ngritjen e procedurës kontestuese.
Përgjigja e pushtetit lokal: Në përgjigjen e kërkesës për informacione me karakter publik të cilën
Komiteti ia ka dërguar MPB-së në lidhje me këtë incident thuhet se nga SPB-ja Shkup është dorëzuar
lajmërim me shkrim për ngritje të procedurës për kundërvajtje më 19.4.2016 te Gjykata Themelore
Shkup 1, Shkup, Njësia për Kundërvajtje.
Ndikimi mbi viktimat dhe mbi mjedisin shoqëror: Ky incident e vë në pikëpyetje bashkëjetesën etnike
midis dy bashkësive më të mëdha në shtet.
