Çfarë ka ndodhur: Katër persona të maskuar kanë gjuajtur me koktej molotov mbi Muzeun e Alfabetit
Shqip në Manastir. Personat kanë dashur t’i vënë zjarrin objektit, por nuk e kanë arritur qëllimin,
kështu që kanë thyer vetëm xhamat. Një pjesë e xhamave të dritareve të Muzeut dhe të derës hyrëse
janë thyer, kurse para hyrjes ka shenja të dukshme të koktejit molotov.
Data, koha dhe vendi i incidentit: 07 mars, rreth orës 04, Muzeu i Alfabetit Shqip, Manastir.
Burimi i informacioneve: Media elektronike TV Tera, Media elektronike Reporter.
Viktimat e involvuara: Përveç dëmit material, në këtë incident nuk ka viktima.
Lloji i krimeve: Dëmtim i objekteve të huaja (neni 243, KP i RM-së), Shkaktim i urrejtjes, përçarjes apo
mostolerancës në bazë diskriminuese nacionale, racore, fetare apo tjetër bazë diskriminuese. (Neni
319, KP i RM-së )
Kryerësit: Katër persona.
Përshkrim i shkurtër i incidentit me indikatorë të njëanshëm: Në këtë incident, motivi i njëanshëm
është përkatësia etnike, kombësia ose gjuha, kurse indikatorë të njëanshëm janë:
1. Lokacioni i synuar – lokacioni i synuar është Muzeu i Alfabetit Shqip në Manastir.
2. Model i incidenteve të mëparshme – ky është sulmi i pestë mbi Muzeun e Alfabetit Shqip në Manastir.
Statusi i rastit: Është dorëzuar fletëparaqitje penale, kundër katër personave sepse ekzistojnë baza
të dyshimit për kryerjen e veprës pena Shkaktim të rrezikut të përgjithshëm sipas nenit 288 të KP-së.
Përgjigja nga pushtetet lokale: Në përgjigjen e kërkesës për informacione me karakter publik të cilën
KMH-ja ia dërgoi MPB-së në lidhje me këtë incident thuhet se po merren masat, nga SPB-ja Manastir
është dorëzuar fletëparaqitje penale kundër katër personave sepse ekzistojnë baza të dyshimit për
kryerjen e veprës penale “Shkaktim të rrezikut të përgjithshëm” sipas nenit 288 të KP-së. Mandej, në
përgjigje thuhet se pas bisedave të kryera me personat e paraqitur, nga SPB-ja Manastir nuk janë
konstatuar indikacione të cilat dëshmojnë se incidenti është kryer për shkak të përkatësisë etnike të
personave, por është kryer me vetiniciativë dhe pa kurrfarë ndikimesh.
Ndikimi mbi viktimat dhe bashkësinë: Ky incident e vë në pikëpyetje bashkëjetesën etnike midis dy
bashkësive më të mëdha në shtet.
