Што се случило: По фудбалскиот натпревар помеѓу ФК Шкупи и ФК Вардар, непознат број членови
на навивачкиот клуб Комити (ФК Вардар) нападнале двајца Албанци кои живеат во Белгија.
Датум, време и место на инцидентот: 9 август, неозначено време (по 21:00 часот), Сити мол, Скопје.
Извор на информации: Медиум Република.
Инволвирани жртви: Двајца Албанци, машки лица.
Вид на злосторства: „Насилство“ (член 386, КЗ на РМ), „Тешка телесна повреда“ (член 131, КЗ на РМ).
Сторители: Непознат број членови на НК Комити.
Кус опис на инцидентот со пристрасни индикатори: Во овој инцидент кој се случил за време на
спортски настан, пристрасниот мотив е етничко потекло, државјанство или јазик, а пристрасните
индикатори се:
1. Разлика во етничкото потекло– членовите на НК Комити се Македонци, додека жртвите се Албанци;
2. Време – инцидентот се случил по фудбалски натпревар помеѓу клубовите чии навивачи/
поддржувачи имаат различно етничко потекло;
3. Природа на насилството – инцидентот се случил во јавност;
4. Недостаток на други мотиви.
Статус на случајот: Непознато.
Одговор на локалните власти: Одговарајќи на барање за информации од јавен карактер,
Министерството за внатрешни работи (МВР) одговори дека немаат информација за конкретниот
случај.
Влијание врз жртвите и заедницата: Овој инцидент го доведува во прашање етничкиот соживот
помеѓу двете најголеми заедници во земјата и безбедноста на луѓето присутни или во близина на
спортски натпревари.
