Што се случило: М.К. (53) од Тетово вчера во 23:40 часот во Полициската станица Аеродром пријавил
дека дента околу 23:00 часот пред казино во Трговски центар „Скопјанка“ физички бил нападнат од
неколку непознати лица.Од нападот М.К. се здобил со повреди и бил пренесен во Градска општа
болница „Св.Наум Охридски“ каде му била укажана лекарска помош. Се преземаат мерки за пронаоѓање
на сторителите и за целосно расчистување на случајот. (насилство/етничка)
Датум, време и место на инцидентот: 16 јуни, околу 23:00, ТЦ Скопјанка.
Извор на информации: електронски медиум сител.мк
Инволвирани жртви: едно машко лице.
Вид на злосторства: Насилство (Член 386, КЗ на РСМ), Телесна повреда (Член 130, КЗ на РСМ).
Сторители: неколку непознати сторители.
Кус опис на инцидентот со пристрасни индикатори: Во овој инцидент пристрасниот мотив е етничко
потекло а пристрасните индикатори се:
1. Разлика во етничкото потекло – жртвата со напаѓачите се од различно етничко потекло;
2. Модел на претходни инциденти – напади на граѓани на улица, автобуска постојка трговски центри
Статус на случајот: Непознат.
Одговор на локалните власти: Во одговорот кој го добивме од МВР овој инцидент кај нив е регистриран
како нарушување на јавен ред и мир и се преземаат мерки за откривање на сторителите.
Влијание врз жртвите и заедницата: Инциденти од ваков вид ја доведуваат во прашање општата
безбедносна состојба во земјата, соживотот помеѓу различните етнички групи во општеството и
особено безбедноста на децата и младите луѓе во средини кои треба да се сигурни и безбедни за нив (
училишта, јавен превоз, населби во кои живеат и се движат).
