Што се случило: Четиринаесет малолетници и учител од основното училиште „Бајрам Шабани“
биле нападнати и малтретирани од група ученици од основното училиште „Браќа Миладиновци“,
по завршување на заедничка проектна активност.
Датум, време и место на инцидентот: 20 февруари, 1:30 часот попладне, во близина на училиштето
„Бајрам Шабани“ во Куманово.
Извор на информацијата: Националниот електронски медиум „Плусинфо“ (Plusinfo.)
Вклучена(и) жртва(и): Четиринаесет малолетници и учител од основното училиште „Бајрам
Шабани“ од Куманово.
Вид на кривично дело(а): Насилство Чл. 386 КЗРМ, Телесна повреда, Чл. 130 КЗРМ, Учество во
тепачка Чл. 132 КЗРМ.
Сторител(и): Група на основци од основното училиште „Браќа Миладиновци“ во Куманово.
Краток опис на инцидентот со индикатори за пристрасност: Во овој инцидент, мотивот на
пристрасност е етничкото потекло, државјанството или јазикот, додека индикаторите на
пристрасност се:
1. Претпоставена разлика помеѓу сторителот и жртвата според етничка припадност – поради мешаниот
етнички состав на училиштата што ги посетуваат учениците, етничката припадност на жртвите
може да се разликува од онаа на сторителите.
2. Коментари – Тепачката била проследена со вербално вознемирување (содржината не е
прецизирана).
3. Место и време – Инцидентот се случил по присуството на малцинска група (ученици Македонци)
во основно училиште посетувано претежно од ученици Албанци.
4. Природа на насилството – Инцидентот бил извршен во јавност.
Статус на случајот: Непознат.
Одговор на надлежните власти: Откако Комитетот прати „Барање за јавни информации“,
Полицијата одговори дека го расчистиле случајот, но не прецизираше ништо во врска со можниот
мотив или преземените чекори.
Влијание врз жртвата(ите) и заедницата: Инциденти од ваков тип ја доведуваат во прашање
општата политичка ситуација во земјата и соживотот помеѓу Македонците, од една страна, и
Албанците од друга, како две најголеми етнички заедници во државата, и дополнително влијаат
врз градењето на толерантно мултиентичко опкружување во кое би можеле да растат младите
луѓе.
