Што се случило: Според нејзината изјава за медиумите, Шеќеринска била нападната од Амди
Бајрам и неговиот син (дел од владината коалиција) во текот на набљудувањето на изборниот
процес во Шуто Оризари.
Датум, време и место на инцидентот: 13 април, основно училишта „Браќа Рамиз и Хамид“, Шуто
Оризари, Скопје.
Извор на информацијата: Електронскиот медиум „Нова ТВ“.
Вклучена(и) жртва(и): Едно лице од женски пол, потпретседателката на најголемата опозициска
партија во земјата.
Вид на кривично дело(а): Загрозување на сигурноста Чл.144, Тешка телесна повреда Чл.131 КЗРМ.
Сторител(и): Две лица од машки пол, што политички се дел од коалицијата на владејачката партија.
Краток опис на инцидентот со индикатори за пристрасност: Мотивот на пристрасност во овој
инцидент е политичка припадност и политичко убедување, а индикаторите на пристрасност во
овој инцидент се:
1. Место и време – инцидентот се случил во време и место од значење за изборниот процес (место
на гласање, во текот на времето за гласање).
2. Природа на насилството – Инцидентот бил извршен во јавност.
3. Недостаток на други мотиви.
Статус на случајот: Непознат.
Одговор на надлежните власти: Министерството за внатрешни работи одговори на Барање за информации од јавен карактер испратено од Комитетот, дека нема информации поврзани со овој
инцидент.
Влијание врз жртвата(ите) и заедницата: Инциденти од ваков тип ја доведуваат во прашање
општата политичка состојба во земјата и соживотот помеѓу различните заедници во општеството,
како и успехот на изборниот процес.
