Што се случило: Непознат сторител извршил оштетување на фасадата од Музејот на албанската
азбука, сопственост на Министерството за култура, при што со црна боја ги испрскал мермерната
плоча и пластичната табла од влезната врата на музејот, а на ѕидот до влезната врата нацртал
кукест крст.
Датум, време и место на инцидентот: 13 Ноември, 11 часот, Музеј на албанската азбука, Битола
Извор на информации: Електронски медиум МКД.мк.
Инволвирани жртви: Освен материјална штета, во овој инцидент нема жртви.
Вид на злосторства: Оштетување туѓи предмети (Член 243, КЗ), Предизвикување омраза, раздор
или нетрпеливост врз национална, расна, верска и друга дискриминаторска основа (Член 319, КЗ),
Сторители: Непознати.
Кус опис на инцидентот со пристрасни индикатори: Во овој инцидент, пристрасниот мотив е
етничката припадност, а пристрасните индикатори се:
1. Целна локација – целна локација е музејот на албанската азбука во Битола;
Статус на случајот: Под истрага.
Одговор на локалните власти: Во одговорот на барањето за информации од јавен карактер кое
Комитетот го испрати до МВР во врска со овој инцидент е наведено дека по пријавувањето на
настанот и по овластување на ЈО од ОЈО Битола, бил извршен увид од СВР Битола. Настанот во
СВР Битола бил заведен како кривично дело Оштетување туѓи предмети за кое согласно чл.243
ст.1 од КЗ гонењето се презема по приватна тужба. Дополнително, во одговорот е наведено дека
се преземаат мерки за целосно расчистување на случајот и откривање на сторителите.
Влијание врз жртвите и заедницата: Овој инцидент го доведува во прашање етничкиот соживот
помеѓу двете најголеми заедници во земјата.
