Што се случило: Во просториите на општинската организација на СДСМ во Кисела Вода бил
извршен упад од страна на непознати сторители, при што насилно биле обиени бравите на
шест врати од просториите, украдени биле три лаптоп компјутери, два деск компјутера и еден
прожектор, а дополнително биле оштетени уште два компјутера од коишто се извадени хард
дискови и други делови.
Датум, време и место на инцидентот: 23 мај, околу 02:00 часот, општинска организација на СДСМ
во Кисела Вода.
Извор на информации: Дневен весник Утрински Весник.
Инволвирани жртви: Освен материјална штета, во овој инцидент нема жртви.
Вид на злосторства: Оштетување туѓи предмети (Член 243, КЗ), Тешка кражба (Член 236 КЗ),
Предизвикување омраза, раздор или нетрпеливост врз национална, расна, верска и друга
дискриминаторска основа (Член 319, КЗ)
Сторители: Непознати сторители.
Кус опис на инцидентот со пристрасни индикатори: Во овој инцидент, пристрасниот мотив е
политичка припадност, а пристрасните индикатори се:
1. Целна локација – целна локација е општинската организација на најголемата опозициска партија
Статус на случајот: Под истрага.
Одговор на локалните власти: Во одговорот на барањето за информации од јавен карактер кое
Комитетот го испрати до МВР во врска со овој инцидент е наведено дека од страна на СВР Скопје
бил доставен записник за извршен увид до Основно Јавно Обвинителство – Скопје.
Влијание врз жртвите и заедницата: Овој инцидент ја доведува во прашање општата политичка
стабилност во земјата.
