Што се случило: На 09.06.2022 во меѓупросторот на коловозната лента на Граничниот премин Богородица било забележано лице – мигрант или бегалец без знаци на живот. Лекар од Итна медицинска помош констатирал смрт, а увид на местото извршиле јавен обвинител и екипа од Полициската станица Гевгелија. По наредба на јавен обвинител телото на починатиот било предадено на обдукција.
Кус опис на инцидентот со пристрасни индикатори: Во овој инцидент, пристрасниот мотив е мигрантскиот или бегалскиот статус под претпоставка дека смртта настапила како резултат на повреда од друго лице, а пристрасните индикатори се:
- Бегалски или мигрантски статус – жртвата имала мигрантски статус
- Локација – настанот се случил на место каде што поминува рутата на мигрантите и бегалците кои транзитираат преку државата
Влијание врз жртвите и заедницата: Инциденти од ваков вид ја доведуваат во прашање општата безбедносна состојба во земјата, а особено безбедноста на бегалците и мигрантите кои транзитираат низ територијата на Република Северна Македонија.
