Судир полиција – демонстранти за Цар Душан

Полицијата и Единицата за брзо распоредување ги спречија дваесетина демонстранти во нивниот обид да стигнат до споменикот Цар Душан, кој е поставен на мостот „Око“.

Големото полициско обезбедување беше распоредено на плоштадот „Филип Втори“, а дел од нив се упатија и кон „Мавровка“. Полицијата им го ограничи движењето на демонстрантите и ги притисна пред влезот на Старата скопска чаршија.

Демонстрантите револтот го изразија околу половина час, по што се повлекоа. Сепак, полициското обезбедување се уште остана да стои пред мостот „Око“. Полицијата веќе две недели го чува споменикот, по обидот за уривање на Цар Душан.