Што се случило: Одделение за внатрешни работи Прилеп на 23.12.2020 година поднесе кривична пријава против С.М. (36) од Прилеп поради постоење основано сомнение за сторено кривично дело „ширење на расистички и ксенофобичен материјал по пат на компјутерски систем“. С.М. на 28.10.2020 преку својот Фејсбук профил во коментар на друг Фејсбук профил објавил фотографија и натпис со навреди односно поттикнувал насилство.
Кус опис на инцидентот со пристрасни индикатори: Во овој инцидент пристрасниот мотив е етничката припадност поради тоа што фотографијата и натписот со навреди кои поттикнуваат насилство се насочени кон една конкретна етничка група во државата, а пристрасните индикатори се:
- Етничкото потекло – сторителот припаѓа на една етничка заедница, додека поттикнува насилство кон друга различна етничка заедница
- Модел на претходни инциденти – претходни инциденти од слична природа
Влијание врз жртвите и заедницата: Инциденти од ваков вид ја доведуваат во прашање општата безбедносна состојба во земјата и соживотот помеѓу различните национални, етнички и јазични групи во општеството
