Малолетник истепан од свои врсници во хемиското училиште во Скопје

Што се случило: На 02.04.2019 во 22.00 часот во СВР Скопје, А.Н.(41) од Скопје пријавила дека истиот ден
околу 11.00 часот во средното училиште „Марија Кири Склодовска“ нејзиниот 16 – годишен син бил физички
нападнат од тројца други ученици. Се работи на расчистување на случајот.
Датум, време и место на инцидентот: 02.04.2019 во 22.00 часот, средно училиште Марија Кири Сколодвска
во Скопје.
Извор на информации: дневен билтен на МВР, novamakedonija.com.mk; kurir.mk
Инволвирани жртви: една (1) малолетна жртва
Вид на злосторства: Насилство (Член 386, КЗ на РСМ)
Сторители: тројца (3) малолетни сторители
Кус опис на инцидентот со пристрасни индикатори: Во овој инцидент кој се случил пристрасниот мотив е
етничко потекло, а пристрасните индикатори се:
1. Етничкото потекло – жртвата и сторителите се од различна етничка заедница.
2. Локација – настанот се случил во средно училиште во кое учат ученици од различни етнички заедници
и каде и претходно имало регистрирано вакви настани.
Статус на случајот: непознат
Одговор на локалните власти: Се работи на расчистување на случајот.
Влијание врз жртвите и заедницата: Инциденти од ваков вид ја доведуваат во прашање општата безбедносна
состојба во земјата и соживотот помеѓу различните етнички групи во општеството, и особено негативно се
одразуваат на развојот и безбедноста на децата.