Физички нападнат малолетник во Аеродром, Скопје

Што се случило: На 24.10.2020 во 02,30 часот во СВР Скопје било пријавено дека на 23.10.2020 околу 22,50 часот на подрачјето на Аеродром, 16 годишник од Скопје бил физички нападнат од неколку лица. Се работи на расчистување на случајот.

Кус опис на инцидентот со пристрасни индикатори: Во овој инцидент пристрасниот мотив е претпоставеното етничко потекло затоа што момчето било нападнато поради тоа што зборувало различен јазик, а пристрасните индикатори се:

1. Јазик на зборување – жртвата и напаѓачите зборувале на различен јазик
2. Етничкото потекло – жртвата и сторителите припаѓаат на различни етнички заедници

Влијание врз жртвите и заедницата: Инциденти од ваков вид ја доведуваат во прашање општата безбедносна состојба во земјата и соживотот помеѓу различните етнички и јазични групи во општеството