Çka ka ndodhur: Disa nxënës janë përleshur në shkollën e mesme “Zef Lush Marku” në Shkup. Policia është
detyruar të intervenojë të ndalë përleshjen.
Data, koha dhe lokacioni i incidentit: 7 nëntor, ora 18:00, shkolla e mesme “Zef Lush Marku” Shkup.
Burimi i informacionit: Mediumi elektronik lokal plusinfo.mk.
Viktima(t) e përfshirë: Disa nxënës të shkollës së mesme me përkatësi etnike të panjohur.
Lloji i krimit: Pjesëmarrje në përleshje (neni.132), Dhunë (neni.386).
Kryerësi(t): Disa nxënës të shkollës së mesme me përkatësi etnike të panjohur.
Përshkrimi i shkurtër i incidentit me treguesit e anshmërisë: Në këtë incident, motivi i anshmërisë është
përkatësia etnike, kombëtare ose gjuhësore, ndërsa tregues të anshmërisë janë:
1. Dallimi i supozuar i përkatësisë etnike në mes të kryerësit dhe viktimës – Për shkak të përbërjes së
përzier etnike të shkollës që nxënësit shkollohen, përkatësia etnike e viktimës mund të dallojë nga
ajo e kryerësve.
2. Natyra e dhunës – Incidenti ka ndodhur publikisht.
3. Mungesa e motiveve tjera.
Statusi i rastit: I panjohur.
Reagimi i autoriteteve lokale: MPB është përgjigjur në Kërkesën për informacion të karakterit publik të
dërguar nga ana e Komitetit në lidhje me këtë incident, duke deklaruar se ka ngritu padi për kundërvajtje
kundër shtatë personave të moshës prej 16-18 vjeç.
Ndikimi në viktimë (-at) dhe komunitet: Ky lloj i incidenteve sjell në pikëpyetje situatën e përgjithshme të
sigurisë në vend dhe bashkëjetesën në mes komuniteteve të ndryshme në shoqëri.
