Çfarë ka ndodhur: Në datën 24.07.2019 në ora 02.10 në seksionin policor Matejç është paraqitur se në
fshatin Vaksincë, komuna e Likovës, ka shtetas të huaj të lënduar. Nëpunësit policor kanë dalur në vend
dhe i kanë gjetur A.P.(23) , M.K.(20), H.A.(23) dhe N.T.(24), të gjithë nga Pakistani, të cilët kanë patur lëndime
në trup. Sipas të thënave të tyre, ata janë sulmuar nga disa persona nga Pakistani të cilët janë larguar më
vonë. Personat janë transferuar në qendrën urgjente Kumanovë, ku u është dhënë ndihmë mjekësore, me
çrast A.R dhe H.A., të cilët kishin plagë shpuese në pjesën e përparme në këmbë, janë dërguar në qendrën
urgjente pranë kompleksit të klinikave “Nënë Tereza” në Shkup, përderisa të tjerët janë mbajtur për shërim
në spitalin e Kumanovës. Është realizuar këqyrje në vendin e ngjarjes dhe ndërmerren masa për zbardhjen
e rastit.
Data, koha dhe vendi i incidentit: Në datën 09.06.2019 në ora 22.30 në rrugën “Metodija Mitevski”.
Burimi i informacioneve: buletini ditor i MPB-së
Viktima të involvuara: 1 viktimë
Lloji i krimeve: Dhunë (Neni 386, KP i RMV-së)
Kryerësit: Më shumë kryerës të panjohur
Përshkrim i shkurtër me indikatorë të anshëm: Në këtë incident i cili ka ndodhur, motivi i anshëm është
prejardhja etnike, kurse indikatorët e anshëm janë:
1. Lokacioni – ngjarja ka ndodhur në këtë pjesë të qytetit, ku tranzitojnë migrantë jo të rregulltë
dhe ku ka patur incidente të mëparshme të këtij lloji.
2. Mënyra e kryerjes – Plagët shpuese në pjesën e përparme të këmbëve të viktimave tregojnë në
brutalitetin e veçantë të sulmit
Statusi i rastit: I panjohur
Përgjigje e institucioneve lokale: Ndërmerren masa për zbardhjen e plotë të rastit.
Ndikimi mbi viktimat dhe komunitetin: Incidentet e këtij lloji e sjellin në pyetje gjendjen e përgjithshme të
sigurisë në vend.
