Çfarë ka ndodhur: Në Shkup në kejin e Lumit Vardar, dy persona janë sulmuar fizikisht nga një grup më
i madh personash të veshur me dukserë dhe kapele të cilët pas sulmit e kanë lëshuar vendngjarjen.
Personat e lënduar me automjetin e Ndihmës së shpejtë mjekësore janë dërguar në Spitalin e
përgjithshëm të qytetit “Shën. Naumi i Ohrit”, ku është përcaktuar se ata kanë marrë lëndime trupore
dhe pas dhënies së ndihmës mjekësore janë lëshuar në mjekim shtëpiak.
Data, koha dhe vendi i incidentit: 19 nëntori, ora 20:30, rr. “Kej 13 Nëntori”.
Burimi i informacioneve: Buletini ditor i MPB-së.
Viktimat e involvuara: Dy persona.
Lloji i krimeve: Dhunë (Neni 386, KP), Lëndim trupor (Neni 130, KP)
Kryerësit: Një grup prej 10-12 personash të panjohur.
Përshkrim i shkurtër i incidentit me indikatorë të njëanshëm: Në këtë incident, motivi i njëanshëm
është prejardhja etnike, shtetësia ose gjuha, kurse indikatorët e njëanshëm janë:
1. Dallimi i supozuar në prejardhjen etnike – gjatë viteve të mëparshme, në afërsi të kejit dhe parkut të
qytetit shumë herë kanë ndodhur incidente të motivuara etnikisht.
2. Model i incidenteve të mëparshme – të njëjtën ditë, disa orë më parë një person është shpuar me
thikë në kejin e Vardarit.
3. Natyra e dhunës – incidenti ka ndodhur në publik;
Statusi i rastit: Ngjarja është kualifikuar si prishje e rendit dhe qetësisë publike me sulm fizik.
Përgjigja nga pushtetet lokale: Në përgjigjen e dorëzuar në lidhje me Kërkesën për informacione
me karakter publik që KMH-ja ia ka dërguar në lidhje me këtë incident, MPB-ja e vërteton ngjarjen e
lartpërmendur, dhe thotë se dy viktimat në këtë ngjarje kanë qenë në moshë 18 dhe 19-vjeçare dhe
ata kanë marrë lëndime të dukshme dhe prerje në kokë. Nga biseda e kryer me personat e dëmtuar
janë marrë njohuri se ata në afërsi të QIK-ut janë sulmuar fizikisht nga 10-12 persona të panjohur,
në moshë rreth 20-23 vjet të veshur me dukserë dhe kapele në kokë. Pas konsultimit të kryer me
Prokurorin publik ngjarja është kualifikuar si prishje e rendit dhe qetësisë publike me sulm fizik,
kundërvajtje e paraparë me neni 12 të Ligjit për Kundërvajtje kundër rendit dhe qetësisë publike.
Ndikimi mbi viktimat dhe bashkësinë: Ky incident e vë në pikëpyetje bashkëjetesën etnike midis dy
bashkësive më të mëdha etnike në shtet.
