Што се случило: Од страна на непознато лице физички бил нападнат полициски службеник кој вршел
внатрешно обезбедување на објектот. Имено, полицискиот службеник слушнал тропање пред објектот
и кога излегол надвор забележал неколку непознати лица од кои едниот физички го нападнал. Во
врска со настанот, во Полициска станица Центар биле приведени М.Ј.(30) и Ф.В.(30) двајцата од Скопје,
Б.Д.(29) од Куманово и В.Д.(32) од Тетово. Се преземаат мерки за целосно расчистување на случајот.
Датум, време и место на инцидентот: 28.03.2018 година околу 01.30 часот пред Министерство за
надворешни работи во Скопје
Извор на информации: МВР дневен билтен
Инволвирани жртви: нападнат полициски службеник
Вид на злосторства: Телесна повреда (член 130 од КЗ на РСМ), Напад врз службено лице при вршење
работи на безбедноста ( чл.383 од КЗ)
Сторители: 4 идентификувани сторители
Кус опис на инцидентот со пристрасни индикатори: Во овој инцидент, пристрасниот мотив е етничка
припадност, а пристрасните индикатори се:
1. Етничката припадност – жртвата со сторителите се од различна етничка припадност
Статус на случајот: Непознат.
Одговор на локалните власти: На Барањето за информации од јавен карактер кое Комитетот го
испрати до МВР во врска со овој инцидент, МВР даде одговор за овој случај од нивната евиденција, но
не потврди ниту еден од индикаторите за квалифицирање како дело од омраза.
Влијание врз жртвите и заедницата: Овој инцидент ја доведува во прашање безбедноста на различните
етнички заедници во земјата.
