Нападнат 17-годишен малолетник во Скопје

Што се случило: На 08 септември 2023 во СВР Скопје било пријавено дека во Градската општа болница „Наум Охридски“ е донесен повреден 17-годишник од Скопје. Според пријавеното, тој на подрачјето на Чаир бил физички нападнат со остар предмет од друг малолетник.

Кус опис на инцидентот со пристрасни индикатори: Во овој инцидент пристрасниот мотив е етничкото потекло, а пристрасните индикатори се:

1. Етничка припадност – претпоставена разлика во етничката припадност меѓу жртвата и сторителот
2. Отсуство на други мотиви

   Влијание врз жртвите и заедницата: Инциденти од ваков вид ја доведуваат во прашање општата безбедносна состојба во земјата и соживотот помеѓу различните етнички групи во општеството.