Што се случило: Тројца сторители, возејќи се во возило, нападнале пет млади луѓе (меѓу кои бил и
претседателот на младинскиот огранок на ВМРО-ДПМНЕ во општина Центар). Откако четворица
од нив успеале да побегнат, напаѓачите го фатиле претседателот на младинскиот огранок,
продолжиле да го тепаат, сосила го внеле во возилото и го возеле кус временски период околу
населбата фотографирајќи го во возилото.
Датум, време и место на инцидентот: 18 април, 02:00 часот, Општина Центар, Скопје.
Извор на информации: Национален електронски медиум Курир.
Инволвирани жртви: Пет млади луѓе биле нападнати, еден од нив тешко претепан и противправно
лишен од слобода на кус временски период.
Вид на злосторства: „Насилство“ (член 386, КЗ на РМ), „Противправно лишување од слобода“
(член 140, КЗ на РМ).
Сторители: Тројца мажи.
Кус опис на инцидентот со пристрасни индикатори: Во овој инцидент, пристрасниот мотив е
политичка припадност и убедување, а пристрасните индикатори се:
1. Перцепција на сведокот – неколку медиуми објавија дека напаѓачите биле членови и активисти
на СДСМ;
2. Природа на насилството – инцидентот се случил во јавност, направени се фотографии од
жртвата за време на инцидентот;
3. Недостаток на други мотиви.
Статус на случајот: Поднесени прекршочни пријави.
Одговор на локалните власти: МВР одговори на барање за информации од јавен карактер
испратено од Комитетот дека се поднесени прекршочни пријави за физички напад. Иако неколку медиуми објавуваа дека МВР ќе поднесе кривични пријави и за лишување од слобода, до моментот
на пишување на овој извештај, Комитетот нема такви информации.
Влијание врз жртвите и заедницата: Овој вид инциденти ја доведуваат во прашање општата
политичка стабилност во земјата.
