Што се случило: Претседателот на Партијата за целосна еманципација на Ромите (ПЦЕР) Самка Ибраимовски објави дека во нивниот партиски клуб на ул „Иво Лола Рибар“ во Тетово била фрлена експлозивна направа, која предизвикала материјална штета. Немало информации за повредени луѓе. Од Партијата најостро го осудија овој чин на нетолеранција и непочит кон нив и кон Ромите од овој град и од целата држава. Ги повикаа надлежните институции да го истражат случајот и навремено да постапат.
Кус опис на инцидентот со пристрасни индикатори: Во овој инцидент пристрасните мотиви е етничка припадност, а пристрасните индикатори се:
- Етничко потекло – претпоставена разлика во етничката припадност на сторителите
- Политичка припадност – нападнат е штабот на Политичката партија за целосна еманципација на Ромите
- Модел на претходни инциденти – Ромите се честопати жртва на дискриминација и дела од омраза, покрај тоа што се соочуваат и со системска дискриминација
Влијание врз жртвите и заедницата: Инциденти од ваков вид ја доведуваат во прашање општата безбедносна состојба во земјата и соживотот помеѓу различните групи во општеството.
