Што се случило: Непознат сторител извршил оштетување на билборд на кој бил поставен
материјал на ДУИ на улицата „ЈНА“ во Куманово.
Датум, време и место на инцидентот: 25 ноември, околу 12:30 часот, ул.ЈНА, Куманово.
Извор на информации: Електронски медиум Kumanovonews.
Инволвирани жртви: Освен материјална штета, во овој инцидент нема жртви.
Вид на злосторства: Оштетување туѓи предмети (Член 243, КЗ) Предизвикување омраза, раздор
или нетрпеливост врз национална, расна, верска и друга дискриминаторска основа (Член 319, КЗ)
Сторители: Непознати.
Кус опис на инцидентот со пристрасни индикатори: Во овој инцидент, пристрасниот мотив е
политичка припадност, а пристрасните индикатори се:
1. Оштетен објект – на билбордот бил поставен материјал од политичката партија ДУИ;
2. Модел на претходни инциденти – овој инцидент е последен од растечкиот тренд на оштетување
на билборди со политичка содржина во предизборниот период
Статус на случајот: Непознат.
Одговор на локалните власти: До моментот на пишување на овој извештај, МВР не одговори на
Барањето за информации од јавен карактер кое Комитетот го испрати во врска со овој инцидент.
Влијание врз жртвите и заедницата: Овој инцидент ја доведува во прашање општата политичка
стабилност во земјата.
