Што се случило: На утрото по овогодишната комеморација на депортирањето на македонските
Евреи во концентрациониот логор „Треблинка“, граѓаните забележале бројни графити со анти-
семитска, фашистичка и нацистичка содржина и симболи на различни локации во градот Битола.
Инциденти од овој вид се случуваат неколку години по ред.
Датум, време и место на инцидентот: 10 март, на различни локации во градот Битола.
Извор на информацијата: Националниот медиум Телма.
Вклучена(и) жртва(и): Освен материјалната штетна, немало директни жртви во овој инцидент.
Вид на кривично дело(а): Расна и друга дискриминација Чл. 417 КЗРМ, Поттикнување омраза,
раздор и нетрпеливост по национална, расна, верска или друга дискриминаторска основа.
(Чл.319).
Сторител(и): Непознати.
Краток опис на инцидентот со индикатори за пристрасност: Мотивот на непристрасност во овој
инцидент е верска припадност или убедување. Индикаторите на пристрасност во овој инцидент
се:
1. Перцепција на жртвата – Од изјавите дадени за медиумите, може лесно да се заклучи дека
индиректните жртви – еврејската заедница во Битола, го сметаат инцидентот за мотивиран од
пристрасност.
2. Симболи и графити – Сторителите оставиле графити и симболи со анти-семитска, фашистичка и
нацистичка содржина.
3. Претпоставена разлика по верска основа – Поради строго-определената природа на инцидентот,
може да се претпостави разлика помеѓу сторителите и жртвите.
4. Место и време – Инцидентот се случил на датум со верско значење.
5. Шема на претходни инциденти – Индиректните жртви изјавиле дека инциденти од овој вид се
случуваат речиси секоја година на овој датум.
6. Недостаток на други мотиви.
Статус на случајот: Под истрага.
Одговор на надлежните власти: Преку медиумите полицијата изјави дека ќе ги преземат
соодветните мерки за расчистување на случајот, но до моментот на пишување на овој извештај,
Полицијата не одговорила на Барањето за информации од јавен карактер што беше пратено од
страна на Комитетот во врска со овој инцидент.
Влијание врз жртвата(ите) и заедницата: Инциденти од ваков тип ја доведуваат во прашање
општата политичка состојба во земјата и соживотот помеѓу различните етнички и верски заедници
во општеството.
