Што се случило: Незадоволни од донесување на Законот за употреба на јазиците, група граѓани
протестирале пред домот на пратеникот Велковски.
Датум, време и место на инцидентот: 18 март, во
вечерните часови, нас. Аеродром пред домот на пратеникот Велковски.
Извор на информации: електронски медиум: курир.мк, дневен весник Вечер
Инволвирани жртви: пратеникот Велковски
Вид на злосторства: Загрозување на сигурноста (Член 144 од КЗ на РСМ), Насилство (Член 386, КЗ
на РСМ)
Сторители: Група од десетина сторители.
Кус опис на инцидентот со пристрасни индикатори: Во овој инцидент, пристрасниот мотив е
политичка припадност или политичко уверување, а пристрасните индикатори се:
1. Модел на претходни инциденти – овој инцидент е дел од серијата инциденти против припадници
или симпатизери на политички партии или поранешни и сегашни функционери.
Статус на случајот: Непознат.
Одговор на локалните власти: Во одоговорот кој го добивме од МВР, овој случај воопшто не е
евидентиран ( иако од фотографиите се гледа дека има полициско обезбедување).
Влијание врз жртвите и заедницата: Овој инцидент ја доведува во прашање општата политичка
стабилност во земјата.
