Што се случило: На 21.07.2018 година околу 23,15 часот во градски автобус со број 22, кој сообраќал на
релација Центар – Волково, во близина на Поликлиниката – Ѓорче Петров, вербална расправија на две
групи прераснала во физичка пресметка, при што бил повреден еден од учесниците бил повреден со
нож. Повредениот е малолетник (17). Две лица се приведени во полициска станица. На социјалните мрежи
кружат информации дека нападнатиот е член на навивачката група на фубалскиот клуб Вардар – Комити,
а двајцата напаѓачи се дел од ривалската навивачка група Шверцери на Шкупи од Чаир. Полицијата
презема мерки за расчистување на случајот.
Датум, време и место на инцидентот: 21.07.2018 година околу 23,15 часот градски автобус со број 22, кој
сообраќал на релација Центар – Волково, во близина на Поликлиниката – Ѓорче Петров
Извор на информации: дневен билтен на МВР, електронски медиум спортклуб.мк, ипортал.мк
Инволвирани жртви: едно малолетно лице.
Вид на злосторства: Насилство (Член 386, КЗ на РСМ), Телесна повреда (Член 130, КЗ на РСМ)
Сторители: повеќе непознати сторители, 2 лица идентификувани.
Кус опис на инцидентот со пристрасни индикатори: Во овој инцидент пристрасниот мотив е етничко
потекло а пристрасните индикатори се:
1. Разлика во етничкото потекло – жртвата била од македонска етничка припадност и бил член на
навивачка група Комити, а напаѓачите наводно биле од албанска етничка заедница и членови на
навивачка група на Шверцери;
2. Модел на претходни инциденти – конфликтни ситуации и судири помеѓу навивачки групи од
различна етничка припадност
3. Локација- инцидентот се случил во автобус бр. 22, додека поминувал низ населбата Ѓорче Петров
Статус на случајот: Непознат.
Одговор на локалните власти: До затварње на овој извештај сеуште немаме одговор од МВР. ( Одговор
од МВР добивме во Јануари 2019, случајот е евидентиран како прекршок по ЗППЈРСМ доставено
известување до ЈО)
Влијание врз жртвите и заедницата: Инциденти од ваков вид ја доведуваат во прашање општата
безбедносна состојба во земјата, соживотот помеѓу различните етнички групи во општеството и
особено безбедноста на децата и младите луѓе во средини кои треба да се сигурни и безбедни за нив (
училишта, јавен превоз, населби во кои живеат и се движат).
