Што се случило: Во Битола, на ул.„Црвени Стени“ било скршено стакло на влезната врата од
месна канцеларија на политичката партија „ВМРО-ДПМНЕ“.
Датум, време и место на инцидентот: 02 октомври, 20:30 часот, партиски штаб на политичката
партија ВМРО-ДПМНЕ во Битола.
Извор на информации: Електронски медиум Шеталиште.мк.
Инволвирани жртви: Освен материјална штета, во овој инцидент нема жртви.
Вид на злосторства: Оштетување туѓи предмети (Член 243, КЗ).
Сторители: Непознат сторител.
Кус опис на инцидентот со пристрасни индикатори: Во овој инцидент, пристрасниот мотив е
политичка припадност или политичко уверување, а пристрасните индикатори се:
1. Целна локација – целна локација е штабот на политичка партија
2. Модел на претходни инциденти – на овој инцидент му претходат инциденти од претходните
денови, кога беа оштетени партиските штабови на политичките партии ВМРО-ДПМНЕ, СДСМ,
ДПСМ и БЕСА.
Статус на случајот: Под истрага.
Одговор на локалните власти: Во одговорот на барањето за информации од јавен карактер кое
МХК го испрати до МВР во врска со овој инцидент е наведено дека се работи за кривично дело
„Оштетување туѓи предмети“ кое се гони по приватна тужба, како и дека СВР Битола работи на
расветлување на настанот и откривање на сторителите.
Влијание врз жртвите и заедницата: Овој инцидент има негативни финансиски импликации за
политичката партија и предизвикува безбедносна загриженост во заедниците во кои таа делува.
