Што се случило: Непознат сторител искршил две прозорски стакла и стаклена врата на штабот на
политичката партија ДУИ, на улица “Тале Христов“ во Скопје-Север.
Датум, време и место на инцидентот: 03 октомври, 15:00 часот, партиски штаб на политичката
партија ДУИ во Скопје- Север.
Извор на информации: Електронски медиум Прес24.мк.
Инволвирани жртви: Освен материјална штета, во овој инцидент нема жртви.
Вид на злосторства: Оштетување туѓи предмети (Член 243, КЗ).
Сторители: Непознат сторител.
Кус опис на инцидентот со пристрасни индикатори: Во овој инцидент, пристрасниот мотив е
политичка припадност или политичко уверување, а пристрасните индикатори се:
1. Целна локација – целна локација е штабот на политичка партија
2.Модел на претходни инциденти – на овој инцидент му претходат инциденти од претходните денови,
кога беа оштетени партиските штабови на политичките партии ВМРО-ДПМНЕ, СДСМ, ДПСМ и БЕСА.
Статус на случајот: Непознат.
Одговор на локалните власти: Во одговорот на Барањето за информации од јавен карактер
кое МХК го испрати во врска со овој инцидент, МВР укажа дека бил земен записник за примање
на пријавата за настанот и службена белешка, а од страна на Единицата за увид на местото на
настанот била извршена крим-техничка обработка.
Влијание врз жртвите и заедницата: Овој инцидент има негативни финансиски импликации
за политичката партија и предизвикува безбедносна загриженост во заедниците во кои таа
делува.
