Што се случило: Непознати сторители го демолирале партискиот штаб на Демократската
партија на Србите во Македонија (ДПСМ). Штабот според првичниот увид не е ограбен, со оглед
на тоа дека целосната компјутерска опрема, печатари и проектори се во штабот, но целосната
документација е расфрлана наоколу.
Датум, време и место на инцидентот: 29 март, околу 23:30 часот, штаб на ДПСМ, Куманово.
Извор на информации: Електронски медиум Кумановски муабети.
Инволвирани жртви: Освен материјална штета, во овој инцидент нема жртви.
Вид на злосторства: Оштетување туѓи предмети (Член 243, КЗ), Предизвикување омраза, раздор
или нетрпеливост врз национална, расна, верска и друга дискриминаторска основа (Член 319, КЗ)
Сторители: Непознати.
Кус опис на инцидентот со пристрасни индикатори: Во овој инцидент, пристрасниот мотив е
политичка припадност, а пристрасните индикатори се:
1. Целна локација – целна локација е штабот на политичка партија;
Статус на случајот: Поднесена кривична пријава против едно лице.
Одговор на локалните власти: Во одговорот на барањето за информации од јавен карактер кое
Комитетот го испрати до МВР во врска со овој инцидент е наведено дека била поднесена кривична
пријава против едно лице поради постоење на основ на сомнение дека сторило кривично дело
„Тешка кражба“. Дополнително, во одговорот е наведено и дека мотивите за горенаведените нас-
тани ќе бидат утврдени во текот на натамошната постапка.
Влијание врз жртвите и заедницата: Овој инцидент ја доведува во прашање општата политичка
стабилност во земјата.
