Што се случило: На 05.11.2018 година во СВР Скопје било пријавено дека околу 20.00 часот
пред угостителски објект на улица „Благоја Паровиќ“ – Топанско Поле во Скопје, двајца
16-годишници физички биле нападнати од А.А. и неколку непознати лица. Се преземаат
мерки за расчистување на случајот.
Датум, време и место на инцидентот: 05.11.2018 година околу 20.00 часот пред угостителски објект
на улица „Благоја Паровиќ“ – Топанско Поле во Скопје
Извор на информации: дневен билтен на МВР.
Инволвирани жртви: две малолетни жртви 16 годишна возраст.
Вид на злосторства: Насилство (Член 386, КЗ на РСМ), Телесна повреда (Член 130, КЗ на РСМ).
Сторители: еден познат сторител и неколку непознати сторители.
Кус опис на инцидентот со пристрасни индикатори: Во овој инцидент пристрасниот мотив е етничко
потекло а пристрасните индикатори се:
1. Разлика во етничкото потекло – жртвата со напаѓачот се од различно етничко потекло;
2. Модел на претходни инциденти – напади на малолетни лица во овој дел од градот се регистрирани
и претходно
Статус на случајот: Непознат.
Одговор на локалните власти: На барањето доставено до МВР во врска со овој инцидент, дали има
индикатори со кои ќе се потврди дело од омраза, добивме одговор идентичен како во дневниот билтен
на министерството, односно дека се преземаат мерки за целосно расчистување на случајот.
Влијание врз жртвите и заедницата: Инциденти од ваков вид ја доведуваат во прашање општата
безбедносна состојба во земјата, соживотот помеѓу различните етнички групи во општеството.
