Што се случило: Во близина на Скопје, на железничка станица надвор од градот, двајца мигранти
државјани на Мароко биле измачувани од страна на три непознати лица со безбол палка и електро
шокови, по што им одзеле 300 евра, патни исправи и мобилен телефон „Сони“.
Датум, време и место на инцидентот: 7 јануари, 13:15 часот, на железничка станица во близина
на Скопје.
Извор на информации: Електронски медиум МКД.
Инволвирани жртви: Двајца Мароканци.
Вид на злосторства: Разбојништво (Член 237, КЗ), Насилство (Член 386, КЗ), Тешка кражба (Член
236, КЗ)
Сторители: 3 непознати сторители.
Кус опис на инцидентот со пристрасни индикатори: Во овој инцидент, пристрасниот мотив е
етничко потекло, државјанство или јазик, а пристрасните индикатори се:
1. Разлика во етничкото потекло – етничкото потекло на сторителите и жртвите се разликуваат;
жртвите се припадници на група (марокански мигранти) која е убедливо помалубројна од групата
на граѓани во областа каде се случил инцидентот;
2. Модел на претходни инциденти – овој инцидент е последен од растечкиот тренд на кражби и
напади врз мигранти.
Статус на случајот: Под истрага.
Одговор на локалните власти: Во одговорот на барањето за информации од јавен карактер кое
Комитетот го испрати до МВР во врска со овој инцидент е наведено дека по пријавувањето, за
настанот бил запознаен Јавен обвинител од ОЈО Куманово и бил изготвен записник за примање
на пријава кој по службена пошта бил проследен до СВР Скопје за постапување.
Влијание врз жртвите и заедницата: Овој инцидент ја доведува во прашање безбедноста на
мигранти кои влегуваат и поминуваат низ земјата.
