Што се случило: На 12.09.2019 околу 13.30 часот во СВР Скопје било пријавено дека бил нарушен јавниот ред
и мир во автобус бр.56, при што со повреди од остар предмет се здобил 16-годишен малолетник, по што бил
пренесен во Комплексот клиники „Мајка Тереза“ за укажување на лекарска помош. Со повреди се здобиле и
уште две други малолетни лица кои се пренесени во Градската општа болница „8-ми Септември“. Полициски
службеници од СВР Скопје излегоа на увид и се преземаат мерки за целосно расчистување на случајот.
Датум, време и место на инцидентот: 12.09.2019, 13.30, Скопје
Извор на информации: дневен билтен на МВР, електронски медиум
Инволвирани жртви: три (3) малолетни жртви
Вид на злосторства: Насилство (Член 386, КЗ на РСМ)
Сторители: непознато
Кус опис на инцидентот со пристрасни индикатори: Во овој инцидент кој се случил пристрасниот мотив е
етничко потекло, а пристрасните индикатори се:
1. Локација – настанот се случил на место каде што и претходно се случувале вакви инциденти
2. Изостануваат други мотиви
Статус на случајот: непознат
Одговор на локалните власти: Се работи на расчистување на случајот.
Влијание врз жртвите и заедницата: Инциденти од ваков вид ја доведуваат во прашање општата безбедносна
состојба во земјата и соживотот помеѓу различните етнички групи во општеството и особено лошо се одразуваат
на развојот и поведението на децата.
