Каменуван воз во Скопје

Група од четири до пет лица вчера попладне фрлала камења по возовите на излезот од Скопје, во близина на железничката станица „Скопје – север“.

При инцидентот било гаѓано кон локомотива од возот кој сообраќал на релација фабрика Јегуновце – Трубарево. Каменувањето е извршено на излез од ЖС Скопје – Север кај мостот, при што е скршено прозорско стакло од локомотива, а машиновозачот бил удрен во десната рака и имал парчиња од стакло по телото, но без расекотини. Се преземаат мерки за пронаоѓање на лицата.