Што се случило: Двајца мигранти од Мароко биле ограбени од страна на непозната вооружена
група сторители во близина на Катланово. Сторителите одзеле околу 300 евра и два пасоша.
Датум, време и место на инцидентот: 22 ноември, 19:40 часот, во близина на Катланово.
Извор на информации: Електронски медиум Макфакс.
Инволвирани жртви: Двајца Мароканци.
Вид на злосторства: „Разбојништво“ (член 237, КЗ на РМ).
Сторители: Тројца непознати сторители.
Кус опис на инцидентот со пристрасни индикатори: Во овој инцидент, пристрасниот мотив е
етничко потекло, државјанство или јазик, а пристрасните индикатори се:
1. Разлика во етничкото потекло – етничкото потекло на сторителите и жртвите се разликуваат;
жртвите се припадници на група (марокански мигрант) која е убедливо помалобројна од
припадници на друга група (македонска популација) во областа каде се случил инцидентот;
2. Модел на претходни инциденти – овој инцидент е последен од растечкиот тренд на кражби и
напади врз мигранти.
Статус на случајот: Истрагата е запрена.
Одговор на локалните власти: Одговарајќи на барање за информации од јавен карактер,
Министерството за внатрешни работи (МВР) одговори дека го разјасниле случајот и одлучиле да
не поднесуваат пријава поради различни изјави на жртвите.
Влијание врз жртвите и заедницата: Овој инцидент ја доведува во прашање безбедноста на
мигрантите кои влегуваат и поминуваат низ земјата.
