октомври 5, 2022

Загрозување на сигурноста на активист од ЛГБТИ заедницата

Инцидент
Инциденти сторени заради сексуална определба и/или родов идентитет

Што се случило: Во септември, нè контактираше активист од ЛГБТИ заедницата, којшто наведе дека е исплашен за својата сигурност и безбедност и бара заштита, откако бил физички нападнат за време на протест во август, поради неговата сексуална ориентација. Нападот бил соодветно пријавен, а на 21 септември бил повикан во Полициската станица Пролет на соочување и препознавање на сторителот во присуство на неколку инспектори и обвинителка. По идентификување на сторителот, активистот наведе дека е многу вознемирен и се плаши за неговата безбедност и сигурност поради сознанијата што ги има за напаѓачот. Нè извести дека се работи за профил на личност која јавно промовира анти-ЛГБТИ и анти-феминистички ставови и е следбеник на верски екстремизам. Активистот стравува дека неговото препознавање на сторителот повлекува голема опасност за него.

Поради ова, Хелсиншкиот комитет за човекови права се обрати до Полициска станица Центар и побара заштита за активистот кој веќе подолго време е мета на напади поради тоа што е дел од ЛГБТИ заедницата, а истовремено, напаѓачот е лице кое е јавно против ЛГБТИ заедницата.

Кус опис на инцидентот со пристрасни индикатори: Во овој инцидент пристрасниот мотив е сексуалната ориентација на жртвата, а пристрасните индикатори се:

  1. Сексуална ориентација – жртвата е со различна сексуална ориентација
  2. Модел на претходни инциденти – претходни напади кон лица од ЛГБТИ заедницата, а конкретно и претходни напади над жртвата поради неговата сексуална ориентација

    Влијание врз жртвите и заедницата: Инциденти од ваков вид ја доведуваат во прашање општата безбедносна состојба во земјата, кохезијата помеѓу различните групи во општеството, а особено безбедноста и здравјето на ЛГБТИ луѓето.


Број на жртви
1
Број на сторители
1
Статус на случајот
Идентификувани сторители
Вид на инцидент? (можни се повеќе одговори)
Сериозна закана
Дали пријавивте во полиција?
Да
Како реагираше полицијата? (можни се повеќе одговори)
Тие го фатија сторителот
Загрозување на сигурноста на активист од ЛГБТИ заедницата image