Што се случило: По првото полувреме на натпреварот, кога вториот судија досудил техничка
грешка, сите играчи и асистентот на тренерот на КК Шкупи влегле на теренот и сакале да го
нападнат судијата. Делегатот на Македонската кошаркарска федерација го завршил натпреварот
и побарал од полицијата да ги испрати судиите во соблекувалната. За време на инцидентот,
играчите на Шкупи фрлале пластични шишиња кон публиката. По инцидентот, сите членови на
КК Шкупи биле испратени до Скопје. Сепак, друг медиум објавува дека полицијата за време на
интервенцијата повредила двајца кошаркари и уште едно албанско момче. Според овој медиум,
преку 200 навивачи на КК Фени го изразиле својот бес преку националистичка и расна омраза.
Датум, време и место на инцидентот: 9 јуни, 17:00 часот, Кавадарци.
Извор на информации: Електронски медиум Спорт365 и Журнал.
Инволвирани жртви: Еден судија, можни жртви помеѓу играчите на Шкупи и нивните навивачи (од
страна на полициските сили).
Вид на злосторства: „Насилство“ (член 386, КЗ на РМ).
Сторители: Непознат број навивачи на КК Шкупи.
Кус опис на инцидентот со пристрасни индикатори: Во овој инцидент кој се случил за време на
спортски настан, пристрасниот мотив е етничко потекло, државјанство или јазик, а пристрасните
индикатори се:
1. Разлика во етничкото потекло – навивачите и најголем број играчи на КК Шкупи се Албанци,
додека играчите и навивачите на КК Фени индустри се претежно Македонци;
2. Време – инцидентот се случил по кошаркарски натпревар помеѓу клубовите чии навивачи/
поддржувачи имаат различно етничко потекло, по промена на присуство на малцинството во таа
област (албански играчи и навивачи во населба населена претежно со Македонци);
3. Природа на насилството – инцидентот се случил во јавност;
4. Недостаток на други мотиви.
Статус на случајот: Под истрага.
Одговор на локалните власти: Одговарајќи на барање за информации од јавен карактер, Минис-
терството за внатрешни работи (МВР) одговори дека ПС ОН Кавадарци контактирале со ПС ОН
Бит-пзар и побарале да им се јават на сторителите и да им поднесат прекршочни пријави. Сепак,
нема информации дали осомничените се пронајдени или дали им се поднесени прекршочни
пријави.
Влијание врз жртвите и заедницата: Овој инцидент го доведува во прашање етничкиот соживот
по ме ѓу двете најголеми заедници во земјата и безбедноста на луѓето присутни на спортски
натпревари.
