Што се случило: На автобуска постојка на бул.„Крсте Мисирков», две лица од с. Мирковци на
возраст од 19 и 20 години биле физички нападнати од страна на неколку непознати лица. По
нападот напаѓачите го напуштиле местото на настанот, а на повредените момчиња им била
укажана медицинска помош во Градската општа болница „Св. Наум Охридски“ каде првично им
биле констатирани телесни повреди.
Датум, време и место на инцидентот: 01 октомври, 17:30 часот, автобуска постојка на бул.„Крсте
Мисирков”.
Извор на информации: Електронски медиум Мкд.мк.
Инволвирани жртви: Две лица.
Вид на злосторства: Насилство (Член 386, КЗ), Телесна повреда (Член 130, КЗ)
Сторители: Група од неколку лица.
Кус опис на инцидентот со пристрасни индикатори: Во овој инцидент, пристрасниот мотив е
етничко потекло, државјанство или јазик, а пристрасните индикатори се:
1. Претпоставена разлика во етничкото потекло – инцидентот се случил на автобуска постојка
во област населена со луѓе со мешан етнички состав
2. Природа на насилство – инцидентот се случил во јавност;
Статус на случајот: Непознат/ Се очекува поведување на прекршочна постапка.
Одговор на локалните власти: Според одговорот на МВР во контекст на Барањето на МХК
за информации од јавен карактер испратено во врска со овој инцидент, за истиот бил земен
записник за прием на пријава, додека СВР Скопје презема мерки и активности за расветлување
на нарушувањето на јавниот ред и мир, по што согласно Законот за прекршоци против јавниот
ред и мир до надлежното прекршочно одделение при Основниот суд Скопје 1 Скопје ќе биде
поднесено Барање за поведување на прекршочна постапка.
Влијание врз жртвите и заедницата: Овој инцидент го доведува во прашање етничкиот соживот
помеѓу двете најголеми заедници во земјата.
